Etholaeth: Ynys Môn

Llinos Medi

Llinos Medi yw ymgeisydd Plaid Cymru ar gyfer sedd Ynys Môn.

Ers cael ei hethol yn Gynghorydd Sir dros ward Talybolion yn 2013, ac yna fel Arweinydd benywaidd cyntaf y Cyngor, mae Llinos wedi bod yn benderfynol o fynnu’r gorau i’r ynys bob amser.

Mae ganddi gefndir mewn cefnogi defnydd o’r Gymraeg mewn ysgolion a mudiadau Ffermwyr Ifanc. Cafodd Llinos ei henwi ar restr o 100 o Ferched Cymru sydd wedi cael effaith arwyddocaol o fewn eu meysydd, rhestr a luniwyd gan y Rhwydwaith Cydraddoldeb Menywod yn 2020.

Yn ôl arolwg barn gan Survation ym mis Chwefror 2024, Llinos Medi yw'r ffefryn i ennill sedd Ynys Môn oddi ar y Ceidwadwyr gyda 39% o’r bleidlais. Roedd Llafur ar 27%, y Ceidwadwyr ar 26% a Reform ar 4%.

Mae Llinos yn gobeithio ymuno â thîm gweithgar Plaid Cymru yn San Steffan, ac yn credu bod angen llais ar Ynys Môn a fydd bob amser yn sefyll dros wir anghenion a gwerthoedd yr Ynys.