Pleidleisio - gwybodaeth defnyddiol

Cynnwys

Pleidleisio yn yr orsaf bleidleisio

  • Mae gorsafoedd pleidleisio ar agor rhwng 7am a 10pm, dydd Iau, 4 Gorffennaf 2024
  • Nid oes angen eich cerdyn pleidleisio arnoch i bleidleisio
  • Rhaid i chi bleidleisio yn eich gorsaf bleidleisio benodol
  • Os ydych wedi cofrestru ond heb dderbyn cerdyn pleidleisio, gallwch fynd i'r orsaf bleidleisio a rhoi eich enw a'ch cyfeiriad iddynt
  • Rhaid i chi fynd â ID efo llun i bleidleisio - mae rhestr o'r rhai derbyniol isod

Os nad ydych wedi derbyn eich cerdyn pleidleisio eto, cysylltwch â swyddfa etholiadau eich cyngor sir.

[i'r brig]

ID efo llun

Byddwch angen un math o ID efo llun efo chi i bleidleisio. Mae rhestr isod o rai o'r rhai derbyniol - am restr lawn a mwy o fanylion ewch i wefan y Comisiwn Etholiadol.

Noder ni fydd ID Myfyriwr na Cherdyn Rheilffordd Person Ifanc yn cael eu derbyn.

Derbyniol:

  • Pasbort
  • Trwydded yrru
  • Bathodyn Glas
  • Cerdyn teithio 60+
  • Cerdyn teithio pobl anabl
  • Cerdyn PASS
  • Dogfen mewnfudo fiometrig
  • Cerdyn Adnabod Amddiffyn
  • Cerdyn adnabod cenedlaethol gan wladwriaeth AEE
  • Tystysgrif Awdurdod Pleidleisiwr
  • Dogfen Etholwr Dienw

[i'r brig]

Pleidlais bost

6 cham i bleidleisio dros Blaid Cymru drwy'r post:

  1. Gwirio bod y canlynol yn y pecyn pleidleisio:
    • cyfarwyddiadau ar sut i fwrw'ch pleidleisiau a sut i'w dychwelyd
    • datganiad pleidlais bost
    • dwy amlen
    • papur pleidleisio
  2. Cwblhau'r datganiad yn ofalus gan ddilyn y cyfarwyddyd. Heb eich llofnod a'ch dyddiad geni ar y datganiad ni fydd eich pleidlais yn cyfri.
  3. Pleidleisio - rhoi [X] yn y blwch nesaf i'r ymgeisydd Plaid Cymru - The Party of Wales
  4. Rhoi'r papur pleidleisio yn amlen A - yr amlen leiaf o'r ddwy
  5. Rhoi'r datganiad pleidlais bost ac amlen A i fewn yn Amlen B - y fwyaf o'r ddwy - a'i selio. Gwnewch yn siŵr fod y cyfeiriad dychwelyd yn glir.
  6. Dychwelyd yr amlen pleidlais bost erbyn 10pm ar ddiwrnod yr etholiad. Gallwch:
    • ei phostio, gan sicrhau bod digon o amser i'w ddanfon
    • ei rhoi i'ch gorsaf bleidleisio ar ddiwrnod yr etholiad

Os nad ydych wedi derbyn eich pleidlais bost eto, cysylltwch â swyddfa etholiadau eich cyngor sir.

Gadewch i ni wybod eich bod wedi pleidleisio drwy'r post.

[i'r brig]

Methu pleidleisio oherwydd argyfwng - pleidlais drwy ddirprwy

Mewn rhai achosion o argyfwng - ee os ydych yn sâl, i ffwrdd efo gwaith, neu bod eich ID llun wedi ei golli neu ddifrodi - gallwch wneud cais i rywun fynd i bleidleisio ar eich rhan.

Yr enw am hyn yw "Pleidlais drwy ddirprwy mewn argyfwng" - dilynwch y ddolen i wefan y Comisiwn Etholiadol am fwy o fanylion a sut i wneud cais.

[i'r brig]