Portffolio: Gwaith a Phensiynau; Amgylchedd a Materion Gwledig; Addysg; Trafnidiaeth; Diwylliant, y Cyfryngau a Chwaraeon
Etholwyd Ann Davies yn AS Caerfyrddin yn 2024, gan gipio'r sedd oddi ar y Ceidwadwyr.
Cafodd ei geni a’i magu yn Sir Gâr, ac mae Ann wedi gwasanaethu fel Cynghorydd Sir dros Landdarog ers 2017, ac fel Aelod Cabinet dros Faterion Gwledig, Cydlyniant Cymunedol a Pholisi Cynllunio ers 2021.
Yn gyn-ddarlithydd mewn addysg blynyddoedd cynnar ym Mhrifysgol Cymru Y Drindod Dewi Sant ac yn gyn-athrawes gerdd peripatetig, mae Ann yn gydberchennog meithrinfa leol i blant ac mae wedi ffermio yn ardal Llanarthne ers 1992. Mae Ann wedi ennill enw da fel ymgyrchydd gweithgar yn lleol, yn gwasanaethu fel cadeirydd sirol i undeb ffermio, ac fel llais amlwg yn yr ymgyrch yn erbyn peilonau ar hyd Dyffryn Tywi yn Sir Gaerfyrddin.