Cyfarfodydd Ymylol

YSTAFELL 3A

Mae Cymru yng nghanol argyfwng tai. Argyfwng sy'n gweld dros 10,000 o bobl yn ddigartref ac yn gaeth mewn llety dros dro, rhentwyr preifat yn wynebu rhenti sy'n gynyddol anfforddiadwy, a 170,000 o bobl yn gaeth ar restrau aros am gartref cymdeithasol.

Y tu ôl i'r ystadegau hyn mae cannoedd o filoedd o bobl, pob un â'i stori ei hun o sut mae'r argyfwng tai wedi effeithio arnyn nhw a'u teulu.

Nid dim ond sicrhau bod gan bawb do uwch eu pen yw dod â'r argyfwng tai i ben. Mae'n ymwneud â sicrhau bod gan bawb fynediad at gartref diogel, sicr a gwirioneddol fforddiadwy.

Bydd y panel hwn yn dwyn ynghyd safbwyntiau amrywiol i drafod y cyfleoedd sydd ar gael i Lywodraeth nesaf Cymru i allu darparu'r cartrefi y mae eu hangen ar Gymru a darparu sylfeini cryf ar gyfer cenedlaethau'r dyfodol.

YSTAFELL 3B

Beth mae pobl Cymru wirioneddol yn ei feddwl am seilwaith ynni, a sut y dylai polisi Llywodraeth Cymru yn y dyfodol adlewyrchu’r safbwyntiau hynny? Gan dynnu ar farn y cyhoedd a mewnwelediadau diweddar, bydd y drafodaeth banel hon yn archwilio agweddau tuag at ynni, newid hinsawdd, ynni adnewyddadwy, seilwaith a fforddiadwyedd a chostau—gan ystyried beth mae’r mewnwelediadau hyn yn ei olygu i bleidiau gwleidyddol wrth i ni agosáu at etholiadau’r Senedd ac i Lywodraeth Plaid Cymru bosibl yn y dyfodol.

YSTAFELL 3C

Wrth i ni edrych tuag at y bennod nesaf mewn addysg yng Nghymru, mae undebau addysg wedi dod at ei gilydd i archwilio’r argyfwng sy’n wynebu ysgolion yng Nghymru – a cheisio dod o hyd i ddatrysiadau sy’n cefnogi’r gweithlu, yn ogystal â chenedlaethau’r dyfodol yng Nghymru.

Ymunwch â NAHT Cymru, ASCL Cymru a NEU Cymru

Dan gadeiryddiaeth Anna Brychan

Bydd lluniaeth ar gael

YSTAFELL 3A

Ymunwch â ni am drafodaeth ddifyr ac ysgogol. Bydd y digwyddiad pwysig hwn yn dod â lleisiau profiadol o bob rhan Gymru ynghyd—y Cyng. Gary Pritchard, y Cyng. Bryan Davies, y Cyng. Linda Evans, Peredur Griffiths AS (Cadeirydd) a Cefin Campbell AS—i archwilio sut y gall cydweithio cryf â llywodraeth leol lunio dyfodol cymunedau ledled Cymru. Gan fod awdurdodau lleol yn gyfrifol am gyflawni llawer o flaenoriaethau allweddol Llywodraeth Cymru, gan gynnwys meysydd hanfodol fel addysg—lle mae Cefin Campbell yn llefarydd Plaid Cymru—bydd y drafodaeth hon yn tynnu sylw at rôl hanfodol partneriaeth wrth droi uchelgais genedlaethol yn effaith leol wirioneddol. Peidiwch â cholli’r cyfle hwn i glywed mewnwelediadau newydd, rhannu syniadau, a bod yn rhan o’r drafodaeth ar adeiladu llywodraeth Plaid Cymru effeithiol ac ymatebol ar gyfer y blynyddoedd i ddod.

YSTAFELL 3B

Dylai pawb gael lle diogel i’w alw’n gartref. Yn anffodus, mae llawer gormod o bobl yng Nghymru’n wynebu digartrefedd, gan adael effaith barhaus ar eu hiechyd a’u lles. Mae’r ystadegau diweddaraf yn dangos bod bron i 11,000 o bobl yn byw mewn llety dros dro, a bod 90,000 o deuluoedd ar restrau aros am dai cymdeithasol.

Mae llawer wedi’i gyflawni dros yr ychydig flynyddoedd diwethaf, gyda ffocws ffres ar adeiladu tai cymdeithasol, a’r bil arloesol Digartrefedd a Dyrannu Tai Cymdeithasol (Cymru). Fodd bynnag, mae graddfa’r her yn golygu bod yna gymaint mwy i’w wneud os ydym am wneud digartrefedd yn rhywbeth prin, byr nad ddylid ei ailadrodd.

Yn y digwyddiad ymylol hwn, bydd Cymorth Cymru a Crisis yn amlinellu ein blaenoriaethau ar gyfer Llywodraeth nesaf Cymru, ac yn annog mynychwyr i rannu eu barn a dangos eu cefnogaeth dros sicrhau bod gan bawb yng Nghymru le i’w alw’n gartref.

YSTAFELL 3C

Yn cael ei gyflwyno gan Grŵp Gweithredu Blynyddoedd Cynnar, bydd y sesiwn drafod hwn yn canolbwyntio ar sut y gall Llywodraeth nesaf Cymru fod yn hyrwyddwyr i fabanod a phlant ifanc, drwy sicrhau eu hawliau a’u lles. Byddwch yn clywed gan amrywiaeth o arweinwyr a lleisiau arbenigol y sector am y materion cyfredol sy’n wynebu babanod a phlant, yn ogystal â’r sector gofal plant ehangach sy’n falch o ddarparu gofal a chymorth arbenigol i’w galluogi i ffynnu. Bydd ein panel yn amlinellu’r camau y credant y mae angen i Lywodraeth nesaf Cymru eu cymryd er mwyn blaenoriaethu hawliau, iechyd a lles pob baban a phlentyn ifanc.

YSTAFELL 3A

Mae pobl sy'n mudo i Gymru yn wynebu heriau enfawr – yn ymestyn o ddiffyg cyngor cyfreithiol hyd at y frwydr ddyddiol o fyw dan drefn ‘Dim Hawl i Gyllid Cyhoeddus (NRPF). Ymunwch â ni i ganfod pa gamau y gellir eu cymryd i gefnogi mudwyr yn well a galluogi mwy o bobl i gael mynediad at gyfiawnder ym maes mewnfudo.

Dan gadeiryddiaeth Liz Saville Roberts, Aelod Seneddol Dwyfor Meirionnydd, bydd y panel yn cynnwys Sioned Williams, Aelod Senedd Cymru dros Orllewin De Cymru; Isata Kanneh, Sefydliad Bevan; Almas Laesm, aelod o grŵp Arbenigwyr drwy Brofiad Sefydliad Bevan; a Jennifer Morgan, Prifysgol Caerdydd / Prosiect Cais o’r Newydd.

YSTAFELL 3B

Ymunwch â ni ar gyfer dadansoddiad manwl blaenllaw More in Common o gyflwr barn y cyhoedd yng Nghymru, gan archwilio dadrithiad cynyddol ymhlith pleidleiswyr gyda phleidiau traddodiadol, cynnydd Reform, a newidiadau gwleidyddol ehangach. Gan gynnwys dadansoddiad gan ein tîm, ynghyd â gwleidyddion a newyddiadurwyr uwch, bydd y panel hwn yn archwilio a all Plaid wrthdroi goruchafiaeth hirdymor Llafur yng ngwleidyddiaeth Cymru i ddod y blaid fwyaf yn y Senedd am y tro cyntaf.

YSTAFELL 3C

Mae cael gafael ar gymorth iechyd meddwl amserol o ansawdd da yn hanfodol er mwyn byw bywydau llawn. Ac eto, o dan y system bresennol, nid yw hyn bob amser yn digwydd i bawb.

Ymunwch â ni am sgwrs ddifyr am yr heriau y gall pobl eu hwynebu wrth geisio cael gafael ar gymorth, a sut mai’r ateb i hyn o bosib yw dull newydd sy’n troi’r system y tu chwith allan.

Dan gadeiryddiaeth Mabon ap Gwynfor, Llefarydd Plaid Cymru dros Iechyd a Gofal Cymdeithasol, cewch glywed Dr Jen Daffin, Platfform, a Katie Dalton, Cymorth Cymru, yn trafod y cyfleoedd y mae Mynediad Agored yn eu cynnig o ran mynd ati’n obeithiol i ail-ddychmygu sut y gall gwasanaethau iechyd meddwl yng Nghymru fod yn wahanol yn y dyfodol.

YSTAFELL 4B

Ar ôl cyfnod dwys a heriol i ffermio a gwleidyddiaeth yng Nghymru, mae’r diwydiant bellach yn edrych tuag at y Senedd a Llywodraeth nesaf i sicrhau ymgysylltiad cryf a chyson ar draws pob maes polisi ffermio a gwledig. Dim ond drwy’r ymrwymiad hwn y gellir darparu’r sefydlogrwydd sydd ei angen ar ffermwyr a busnesau Cymru.

Wrth nesáu at etholiadau allweddol y Senedd, bydd Undeb Amaethwyr Cymru ac NFU Cymru yn cyflwyno eu gofynion ar y cyd i’r Llywodraeth nesaf. Mae’r gofynion hyn wedi’u llunio i sicrhau dyfodol cynaliadwy i ffermio Cymru, bwyd Cymru, yr amgylchedd, a’n cymunedau gwledig.

YSTAFELL 3A

Ydych chi erioed wedi meddwl am sefyll ar gyfer y Cyngor?

Ym mis Mai 2027 bydd yr etholiadau lleol yn cael eu cynnal ar gyfer cynghorau sir, tref a chymuned ar draws Cymru.

Yn hanesyddol, dim ond 36% o’r seddi hyn sydd wedi’u llenwi gan fenywod. Os yw llywodraeth leol am fod yn wirioneddol gynrychioliadol o’r bobl y mae’n eu cynrychioli, mae angen mwy o gynghorwyr benywaidd.

Bydd y sesiwn hon yn dweud mwy wrthych am sefyll mewn etholiad cyngor, beth mae’r rôl yn ei gynnwys, a bydd cyfle i ofyn cwestiynau i banel o gynghorwyr presennol a chyn-gynghorwyr.

Mae’r cyfarfod ymylol hwn ar gyfer menywod sy’n aelodau o Blaid Cymru.

YSTAFELL 3B

Fel Darparwr Dynodedig y Gwasanaeth Cyffredinol ar gyfer y wlad, mae Post Brenhinol yn falch o ddosbarthu i’r 1.4 miliwn o gyfeiriadau ledled Cymru ac o gyflogi tua 5,500 o bobl ar draws y wlad. Wrth i ni baratoi i gyflwyno ein model dosbarthu newydd, hoffem eich croesawu i glywed gan ein Cyfarwyddwr Gweithrediadau Rhanbarthol, Krish Tangri, i ddysgu rhagor am yr hyn y mae hyn yn ei olygu ar gyfer gwasanaethau yn eich etholaeth. Bydd lluniaeth ar gael.

YSTAFELL 3C

Gallai Cymru fod y wlad gyntaf yn y byd i ddod â throsglwyddiadau newydd o HIV i ben, a gallai'r Senedd nesaf fod yr un i gyflawni'r gamp hanesyddol hon. Ymunwch â Terrence Higgins Trust wrth i ni drafod pa gamau sydd eu hangen i ddod â throsglwyddiadau newydd o HIV i ben yng Nghymru erbyn 2030 a mynd i'r afael â stigma HIV.

YSTAFELL 3A

Mae Cymru’n wynebu heriau hir-dymor, o sgiliau a chynhyrchiant lefel-uchel i wasanaethau cyhoeddus, anghydraddoldeb rhanbarthol a gwydnwch economaidd. Bydd ymateb yn effeithiol yn gofyn am ffocws clir ar leoedd, gwell hygyrchedd i gyfle, a phartneriaeth gref ar gyfer adfywiad cenedlaethol. Mae prifysgolion Cymru’n barod i gyflawni Fel sefydliadau angor â’u gwreiddiau mewn cymunedau ledled Cymru, gall prifysgolion weithio ochr-yn-ochr â llunwyr polisi, busnesau a gwasanaethau cyhoeddus i ddatblygu sgiliau lefel-uchel, cefnogi economïau lleol, trosi ymchwil yn effaith yn y byd go-iawn, ac ysgogi arloesedd a thwf economaidd Eto i gyd, nid yw’n gyfrinach bod prifysgolion yn wynebu amgylchedd gweithredu heriol. Bydd y sesiwn hon yn edrych yn fanwl ar sut y gall sector prifysgolion cynaliadwy fod wrth galon cynllun uchelgeisiol i adeiladu gwlad fwy medrus a llewyrchus - Bydd brecwast ar gael.

YSTAFELL 3B

Mae teuluoedd sy’n magu plant anabl a phlant â salwch difrifol yng Nghymru dan straen aruthrol sy’n parhau i gynyddu. Mae adroddiad Cost of Caring 2025 Family Fund yn dangos nad yw bron hanner y teuluoedd yn gallu talu costau dyddiol sylfaenol, nad oes gan 87% unrhyw gynilion, ac mae llawer o rieni’n darparu’r hyn sy’n gyfystyr â gofal di-dâl amser llawn.

Bydd y digwyddiad hwn yn archwilio pa gymorth ystyrlon sydd ei angen ar y 38,600 o deuluoedd incwm isel sy’n magu plant anabl ledled Cymru. Mae gwelliannau i ofal plant yn gam i’r cyfeiriad iawn, ond mae’r teuluoedd hyn yn wynebu pwysau ychwanegol sy’n gofyn am atebion pwrpasol, seibiannau byr dibynadwy, mynediad amserol at therapïau, cefnogaeth emosiynol i rieni a gwasanaethau cymunedol sy’n atal argyfwng.

Gan dynnu ar brofiad byw a thystiolaeth newydd, bydd y sesiwn hon yn trafod sut y gall Cymru gefnogi teuluoedd yn well fel y gall plant anabl ffynnu ym mhob cymuned.

Wedi’i gynnal gan Davina Carey-Evans, Family Fund, gyda chefnogaeth Rhiant/Gofalwr.

YSTAFELL 3C

Mae cymunedau ethnig leiafrifol, Sipsiwn, Roma a Theithwyr, a’r rhai sy’n ceisio lloches yn fwy tebygol o brofi amodau tai gwael, gorlenwi, digartrefedd a chael eu hallgáu rhag cymorth. Mae naratifau niweidiol sy’n beio mewnfudwyr, ffoaduriaid a gwaith cydraddoldeb am y pwysau ar dai yn dod yn fwy amlwg, gan gamliwio trafodaeth gyhoeddus a thanseilio cydlyniant cymunedol. Bydd y sesiwn hon yn edrych ar sut mae hiliaeth yn gweithredu ar draws y maes tai a digartrefedd yng Nghymru – o amodau byw anghyfartal a methiannau gwasanaethau, i fylchau mewn llwybrau i ffoaduriaid a phobl heb hawl i arian cyhoeddus, yn ogystal â dylanwad cynyddol camwybodaeth a’r gwrthwynebiad i gydraddoldeb, amrywiaeth a chynhwysiant. Byddwn yn canolbwyntio ar sut mae polisi tai gwrth-hiliol yn edrych yn ymarferol, a sut arweinyddiaeth sydd ei hangen gan Lywodraeth nesaf Cymru.

YSTAFELL 3A

Mae Cymru’n gyfoethog mewn ynni, ond mae’r elw yn aml yn mynd dramor. Mae digwyddiad ymylol Climate Cymru yn herio’r anghyfiawnder hwn, gan anelu at economi lle mae cyfoeth naturiol yn gwasanaethu ein pobl.

Byddwn yn trafod camau ymarferol i sicrhau annibyniaeth ariannol, gan gynnwys Cronfa Cyfoeth Cymru ac Incwm Ailhyfforddi Gwarantedig i bob gweithiwr. Ein nod yw trosglwyddiad cyfiawn nad yw'n gadael pobl ar ôl.

O ynni geothermol mewn hen lofeydd i ddiogelu dyfodol dur Cymru gydag undebau cryf, rhaid i’r rhai a adeiladodd ein gorffennol perchen ar ein dyfodol. Ymunwch â ni i drafod sut i gadw diwydiannau a ffyniant yng Nghymru.

YSTAFELL 3B

Mae Plaid Cymru wedi addo cynnig gofal plant ‘trawsnewidiol a holl gynhwysol’, wedi’i ariannu, i bob teulu yng Nghymru. Mae’n gyfle enfawr i ostwng costau i rieni a rhoi’r dechrau gorau mewn bywyd i’n plant.

Mae cael hyn yn iawn yn golygu trwsio system gymhleth, recriwtio a chadw mwy o staff, a sicrhau bod pob lleoliad yn darparu gofal o ansawdd uchel sydd yn helpu plant i gyrraedd eu potensial. Ond nid rhwystrau yn unig yw’r rhain; maent yn gyfleoedd i adeiladu rhywbeth gwell o’r gwaelod i fyny.

Ymunwch â Nesta Cymru, Mudiad Meithrin, a Sioned Williams MS am drafodaeth yn archwilio ffyrdd arloesol o droi uchelgais yn realiti.

YSTAFELL 3C

Ni allwn anwybyddu cynnydd y dde eithafol yng Nghymru, wrth i ni edrych tuag at etholiadau'r Senedd ym mis Mai.

Mae NEU Cymru, UCU Cymru a TUC Cymru yn ymuno â grŵp Undeb Plaid Cymru i edrych ar yr hyn yr ydym yn ei wneud i frwydro yn erbyn y dde eithafol yng Nghymru.

Cadeirydd Lindsay Whittle AS
Gyda Nicola Fitzpatrick, NEU Cymru
Jamie Insole, UCU Cymru
Chloe Rees, TUC Cymru
Cyng Gethin Jones, Undeb

YSTAFELL 3A

Os ydym o ddifrif ynghylch gofal iechyd ataliol a symud gofal yn nes at adref, mae angen inni feddwl yn wahanol am sut rydym yn cynllunio ac yn datblygu gweithlu y dyfodol. Mae recriwtio a chadw gweithwyr proffesiynol ym maes iechyd a gofal cymdeithasol yn her i fyrddau iechyd ledled Cymru, ond yn aml mae llwybrau i mewn i’r proffesiynau hyn yn gyfyngedig, ac mae llawer yn wynebu rhwystrau ariannol neu logistaidd i addysg uwch.

Bydd y sesiwn ymylol hon yn ystyried sut y gallwn helpu i ddiwallu anghenion iechyd cymunedau yn y dyfodol drwy archwilio cyfleoedd sy’n ymwneud â mentrau “ennill wrth ddysgu”. Yn ystod y sesiwn, bydd y mynychwyr yn clywed gan gyrff Proffesiynau Iechyd Perthynol am botensial prentisiaethau gradd, ac yn cael y cyfle i gymryd rhan mewn trafodaeth ynghylch pa gamau sydd eu hangen i gefnogi trawsnewid iechyd a gofal cymdeithasol.

YSTAFELL 3B

Mae Cymru ar drobwynt o ran dysgu gydol oes ac addysg oedolion. Bydd y sesiwn hon yn archwilio hawl newydd i ddysgu gydol oes i bob oedolyn, gan bwysleisio’r angen i fynd i’r afael â bylchau sgiliau yng Nghymru. Mae’r weledigaeth hon yn cynnwys gwrthdroi’r toriadau i addysg oedolion, sefydlu cyllid newydd i golegau er mwyn cefnogi ailsgilio ac uwchsgilio hyblyg, a darparu mynediad i unigolion at gronfa ddysgu bersonol, hyblyg drwy gydol eu bywydau. Mae pob sector ar ei ennill gyda sector addysg bellach llwyddiannus - sy’n hanfodol i seilwaith cymdeithasol ac economaidd Cymru. Ymunwch ag arweinwyr y sector i drafod sut y gall buddsoddi mewn dysgu gydol oes ddatgloi cyfleoedd i unigolion, cymunedau ac economi Cymru. Bydd hefyd cinio ysgafn.

YSTAFELL 3C

Ymunwch â Ffederasiwn y Busnesau Bach (FfBB) Cymru, wrth iddynt amlinellu sut mae busnesau bach a chanolig yn gweithredu yn yr hinsawdd economaidd bresennol. Beth sy'n gweithio ac, yn bwysig, beth sydd ei angen ar fusnesau gan Lywodraeth Cymru nesaf.

Nhw yw llais awdurdodol busnesau ledled Cymru, yn eiriol dros amgylchedd cymdeithasol, gwleidyddol ac economaidd gwell. Gyda strwythur gwaelodol cryf, Cyngor Ymgynghorol Aelodau a thîm ymroddedig wedi'i leoli ledled Cymru, mae FfBB Cymru yn sicrhau bod lleisiau ei aelodau yn cael eu clywed wrth wraidd gwneud penderfyniadau a thu hwnt.

Cefnogir y sesiwn fewnwelediadol hon gan Heledd Fychan AS, llefarydd Plaid Cymru dros Gyllid, Y Gymraeg a Diwylliant.

Bydd diodydd a lluniaeth ar gael.

YSTAFELL 4B

Wrth i'r argyfwng hinsawdd gyflymu a gwrthdaro byd-eang ddyfnhau, mae gan Gymru cyfle arbennig: i gryfhau ein rôl fel cenedl gyfrifol ar lefel byd-eang. Gan adeiladu ar Ddeddf Llesiant Cenedlaethau'r Dyfodol a'n hanes balch o undod rhyngwladol, mae Cymru mewn sefyllfa unigryw i ddangos sut y gall cenedl fach sbarduno newid mawr - o hyrwyddo cyfiawnder hinsawdd a chadwyni cyflenwi byd-eang moesegol, i ddefnyddio ein llais i sefyll dros heddwch a hawliau dynol. Bydd ein sesiwn yn archwilio sut y gall Cymru ddyfnhau ei harweinyddiaeth ddyngarol, cefnogi cymunedau sydd eisoes yn wynebu argyfwng, a sicrhau bod ein polisïau - gartref a thramor - yn helpu i adeiladu byd tecach a mwy diogel i bawb.

YSTAFELL 3A

Yn ystod y ddegawd ddiwethaf, gwelwyd newidiadau cyflym yn y ffordd y mae gwasanaethau’n gweithredu ar lefel gymunedol. Mae cyni, heriau poblogaeth sy’n heneiddio, Covid a’r argyfwng costau byw wedi rhoi straen enfawr ar gyrff cyhoeddus. Mae sefydliadau cymunedol wedi cynyddu uchelgais a chwmpas eu gwaith yn sylweddol. Bu polisïau Llywodraeth Cymru a chynllunio gwasanaethau ledled Cymru yn araf i gydnabod y newidiadau hyn.

Bydd y digwyddiad hwn yn cynnwys llefarwyr o lywodraeth leol, y sector gwirfoddol a’r felin drafod arweiniol, New Local. Byddwn yn archwilio sut y gall cydweithio ar draws llywodraeth, cymunedau, a’r sector gwirfoddol greu gwasanaethau mwy effeithiol, a chynaliadwy. Bydd y drafodaeth yn amlygu strategaethau ymarferol ar gyfer chwalu seilos, a beth y gall llywodraeth dan arweiniad Plaid Cymru ei wneud i wella cydweithio, gan ddarparu canlyniadau gwell i ni oll.

YSTAFELL 3B

‘Cyfle i’r sawl sy’n sefyll etholiad fel Ymgeiswyr a’r rhai sy’n gweithredu fel eu hasiantwyr i ddysgu am y newidiadau i’r rheolau a’r canllawiau Etholiadol yn y cyfnod cyn Etholiad y Senedd yn 2026’

YSTAFELL 3C

Gall y Mentrau gynorthwyo gyda chyflawni nifer o argymhellion adroddiad pwyllgor trawsbleidiol y Senedd a gadeiriwyd gan Delyth Jewell AS yn mis Chwefror eleni, a nifer o argymhellion blaenorol y Comisiwn Cymunedau Cymraeg. Byddwn yn cyflwyno gwaith y Mentrau, yn benodol ein gwaith o hyrwyddo a chefnogi’r Gymraeg mewn addysg, cynnal a hyrwyddo gwyliau cerddorol, a sicrhau effaith gadarnhaol a gwaddol ymweliad yr Eisteddfod Genedlaethol ar gymunedau Cymru.  Bydd panel o brif swyddogion amrywiol yn trafod potensial y mentrau i ddatblygu ac esblygu eu darpariaeth a'u partneriaethau, ac i gyfrannu fwyfwy at ddyheadau datblygiadau fel, Deddf y Gymraeg ac Addysg (Cymru) 2025. Bydd cyfle hefyd i holi’r mentrau o’r llawr.