Bydd llywodraeth Plaid Cymru yn sicrhau bod teithio llesol wrth galon system drafnidiaeth Cymru, gan hybu iechyd da a sicrhau llwybrau diogel a hygyrch i bobl gerdded, beicio ac olwyno.
Byddwn yn:
- Sicrhau buddsoddiad cyhoeddus strategol ac effeithiol mewn teithio llesol, gan fesur llwyddiant ar sail newid ymddygiad ac ansawdd rhwydweithiau, nid ar sail lefelau gwariant yn unig.
- Rhoi canllawiau statudol clir i awdurdodau lleol, gan nodi blaenoriaethau, disgwyliadau a chanlyniadau ar gyfer teithio llesol.
- Gwreiddio teithio llesol ar draws y gwaith o gynllunio a darparu gwasanaethau bysiau, ffyrdd a rheilffyrdd.
- Cefnogi mwy o fuddsoddiad mewn cynlluniau llogi beiciau mewn trefi a dinasoedd ledled Cymru.