Ein Huchelgais o Ran Prentisiaethau
Yr oedd penderfyniadau Llywodraeth Lafur Cymru ar brentisiaethau yn eu cyllideb ddiwethaf yn gam yn ôl, gan dorri’r gyllideb i brentisiaethau yn sylweddol. Gyda sawl sector yng Nghymru yn tynnu sylw at ddiffyg sgiliau fel rhwystr o bwys, mae gwir angen strategaeth sgiliau a strategaeth ddiwydiannol.
Fel cam tuag at hynny, byddai Plaid Cymru eisiau mapio ein hanghenion sgiliau fesul sector, gan nodi beth sydd ei angen i gyflenwi’r sgiliau hynny a chreu amgylchedd lle mae gan ddysgwyr gymhelliad i aros ar gyrsiau prentisiaeth trwy ymdrin â thlodi myfyrwyr.
Byddai hyn yn cael ei wneud trwy roi cyflog byw prentisiaeth ar waith, a chefnogi colegau i gyflwyno prosiectau fydd yn ysgafnhau’r baich ariannol ar fyfyrwyr, megis teithio am ddim, a phrydau am ddim.